Más de 200 artistes y unes 20 galeríes de tol mundu participen cada añu n'Optica. Amás de fiestes y otres actividaes lúdiques, el Festival estructúrase, fundamentalmente, a partir d'estes estayes:

Artistes independientes: ún de los puntos cimeros a la hora de definir Optica ye la nuestra defensa del denomáu "interclasismu curricular del arte". Esta ye una práutica que permite mesmo gociar del valor de les obres en sigo, como tamién facer llectures cruzaes de los llinguaxes que se dan nos distintos circuitos artísticos y grupos xeneracionales, amás de facilitar la difusión de nuevos talentos.

Galeríes: la implicación de galeríes de tol mundu, refuercia y arriquez la programación del Festival. 

Seición informativa: esta seición, de calter non competitivu, avéranos a proyeutos internacionales de difusión de la cultura audiovisual, col envís de: 

-Fomentar la espresión creativa de les persones y motivar una reflexón sobre'l so entornu.
-Crear un espaciu pa la educación informal, l'anovación y la creatividá. 
-Afallar l'intercambéu d'idees, l'alderique y la charra.

Alcuentros con artistes: esti apartáu ye un formatu d'intercambeu d'esperiencies que ruempe la llende qu'hai ente'l creador y lo que lu arrodia. Asina, dalgunos de los/les artistes participantes posibilitarán el diálogu col públicu asistente al traviés de diverses charres. 

Nes pasaes ediciones, amás de dalgunos creadores nacionales, visitaron el Festival artistes de países como Estaos Xuníos, Reinu Xuníu, Francia, Alemania, Grecia o Xapón.

Performances: Direutos audiuvisuales d'artistes internacionales qu'entemecen la imaxe y el soníu dando llugar a obres d'arte efímero executaes en tiempu real.

Fiestes: con esta triba d'actividaes consiguimos francer lo arratao en que vive, por lo xeneral, el mundu del arte contemporaneo, pa esbarrumber fronteres, osixenando y afincando una canal bidireicional ente'l creador y l'entornu social que lu arrodia. Facilítase asina que bien de persones s'averen a la esploración audiovisual, lo que supón una oportunidá iniciática única.

Pero programamos esta serie d'actos dende l'equilibriu, conservando, perriba too, la esencia del Festival: el videuarte.


[+] Participa cola to obra

© Copyright Asociación Cultural Colectivo Interferencias 2005-2010

Español  |  Asturianu  |  English